يا الساكنه في جـواي حنيـن
ادينـي همـس الارتـعـاش
ادينـي احـسـاس الأمــل
زيدينـي إشـراق واندهـاش
خلينـي اتشابـى واجـيـك
نتغطى بي مطـر الرشـاش
:ألـم التبـاريـح انسـكـب
لوعـات ملونـة بالشـجـن
والآهـة بتدنـدن .. هـنـا
راجياكـي دايمـا يـا محـن
وجـع الفـؤاد ادمنتـه ليـك
والباقـي خلـيـه للـزمـن
ضميتو في جـواي حريـق
يشعـل نــداءات الـوهـن
والليلـة جيـتـي تنـكـدي
تسقينـي كاسـات المـحـن
يـا غربـه آه مـن غربتـك
ضيعتي ليه وتري الحزيـن[
وجـع المسافـات إنكـتـب
إحسـاس مسطـر بالحنيـن
يا غربـه آه مـن عشرتـك
مليانـه بالأسـى والأنـيـن
يـا غربـه وصلـك إلتيـاع
يا غربه وهجك بـس خـداع
ليلـك ممـدد فـي سكـون
منقوش على درب الضيـاع
ليلـك مسافـات موحـشـة
صبحك مساحات من شظـف
وعيـون هواكـي مجرحـة
جرحا شكى ..وجرحا نـزف
وترا بكي .... وترا .. عزف
يا غربه صوتك صوت شقاي
مشتول معازف فـي غنـاي
اتوسـدي جمـرة حـشـاي
اتوهطـي خلـيـك مـعـاي
اتحـكـري واديـنـي راي
أضــنـــيـــنـــي
مـــــا تسـيـبـيـنـي
زيـــدي .. حـنـيـنـي
زيــــدي انـيــنــي
زيـدي ............ أسـاي
ومـــــا هـمــانــي
...............لـو جافيتـي
او خــتــيـــتـــي
كــل....... جـراحــي
فـي .............. جـواي
خلي ............. حكايتـي
تبـقـى حكـايـة الغـنـاي
تـبـقــى حـكــايــة
الجراري والطمباري والهداي
ومـــــا هـمــانــي
لـــــو جـافـيـتــي
او حــنــيـــتـــي
او خــتــيـــتـــي
كل جراحي .. في أحشـاي
بــكــره شــروقــي
يـكـســر طــوقـــي
يـهـتــف شــوقـــي
يـــــا سـمـرتـنــا
زولـك .. جــااااااااااااااي
يــــا سـمـرتـنـا ....
زولـك ... جــاااااااااااااي
